Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partitë opozitare në Kuvendin e Kosovës kanë vazhduar kritikat drejtuar Qeverisë së Kosovës për rrezikim të aleancave me Shtetet e Bashkuara të Amerikës dhe Bashkimin Evropian. Sipas Partisë Demokratike të Kosovës dhe Aleancës për Ardhmërinë e Kosovës, Qeveria ka dështuar në menaxhimin e duhur të vendimit të Bankës Qendrore të Kosovës për rregulloren e re, ku ndalohet përdorimi i dinarit serb. Megjithatë, në partinë në pushtet, Lëvizjen Vetëvendosje, thonë se komunikimi me Amerikën dhe vendet të tjera aleate po vazhdon normalisht dhe se dallimet e vetme janë në afatet kohore të zbatimit të vendimit dhe jo në çështje përmbajtjesore. Deputetja e PDK-së, Blerta Deliu-Kodra, tha se vendimi për ndalimin e dinarit serb është kushtetues, por duhet të ketë koordinim me aleatët ndërkombëtar për zbatimin e tij. Shefi i Grupit Parlamentar të AAK-së, Besnik Tahiri, i cili tha se marrëdhëniet e Kosovës me Unionin Evropian dhe Amerikën kurrë s’kanë qenë më keq.
