Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vallja tradicionale “Kërcimi i Tropojës” është shpallur zyrtarisht pjesë e Listës Përfaqësuese të Trashëgimisë Kulturore Jomateriale të Njerëzimit nga UNESCO, pas një vlerësimi të lartë të këtij arti të veçantë. Ky është një sukses historik dhe një nder i madh për kulturën shqiptare, duke vendosur Tropojën dhe trashëgiminë e saj kulturore në skenën botërore. “Kërcimi i Tropojës”, i njohur gjithashtu si “K’cim Veni”, është një vallëzim festiv që përfshin elementë të artit performues, traditave gojore, ritualeve dhe ngjarjeve festive. Gjatë shekujve, kjo traditë ka ruajtur vitalitetin e saj dhe ka mbetur një simbol i rëndësishëm i identitetit dhe bashkimit për banorët e Tropojës dhe Malësisë së Gjakovës.
