Kryetari Begaj, takoi ekipin komunal të OSBE-së

02/08/2016 Institucionet

Kryetari i Komunës së Malishevës, Ragip Begaj, ka pritur ekipin komunal të OSBE-së në Malishevë, Yusuke Hara dhe Salih Elshanin. Takimi kishte karakter pune, ku Begaj dhe Hara, kanë biseduar për çështje të ndryshme, që lidhen me punët dhe aktivitetet e Komunës së Malishevës, aktiviteteve të misionit të OSBE-së dhe aktivitetet e përbashkëta për çështje të caktuara.

Kryetari Begaj dhe zyrtari i OSBE-së, Yusuke Hara, biseduan për përgatitjet që Komuna e Malishevës, është duke i bërë në procesin e hartimit të buxhetit për vitin e ardhshëm dhe për mundësinë që edhe OSBE të jep kontributin e saj, përmes tryezave dhe formave tjera, gjatë procesit të diskutimit publik lidhur me hartimin e buxhetit.

Po ashtu në këtë takim, u diskutua edhe për procesin e përfundimit të Planit Zhvillimor Komunal (PZHK), pastaj hartimi i strategjisë komunale për transparencë, çështjet e rinisë, komuniteteve dhe çështje tjera, që lidhen me aktivitetet e komunës dhe misionit që OSBE ka në vend.

Po ashtu, në këtë takim, u vlerësua lartë edhe bashkëpunimi i ndërsjellë mes Komunës së Malishevës dhe ekipit komunal të OSBE-së në Malishevë.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara