Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Veterani, UÇK-së, i dënuar politik nga Gjykata Speciale Nasim Haradinaj, ka njoftuar ka ngritur një padi kundër gjykatës dhe shteteve që po e financojnë, pasi me të drejtë konsideron se iu kanë shkelur të drejtat gjatë procesit gjyqësor, në Hagë. Sipas avokatit të tij, Toby Cadman, çështja është dërguar në Grupin e Punës të OKB-së, për Paraburgim Arbitrar, si dhe në Gjykatën Evropiane për të Drejtat e Njeriut. Cadman ka sqaruar se padia synon të adresojë pretendimet për shkelje të të drejtave të njeriut dhe procese të padrejta gjyqësore. Ne kemi argumentuar se mbajtja e Haradinajt ishte arbitrare, pasi nuk iu dha një gjykim i drejtë. Për këtë arsye, rasti është paraqitur në grupin punues të OKB-së për mbajtje arbitrare, deklaroi Cadman. Avokati britanik kritikoi mungesën e përfshirjes së Kosovës në monitorimin e proceseve të Gjykatës Speciale. Ai sugjeroi se një trup i pavarur monitorues, si OSBE, mund të ishte angazhuar për të garantuar drejtësi. Kosova nuk ka treguar interes të mjaftueshëm për të siguruar mbikëqyrjen e duhur të proceseve. Nëse gjykatësit apo prokurorët shkelin ligjin, duhet të ketë pasoja, shtoi ai.
