Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Koha ditore ka botuar shkrimin e analistit të jugo-medieve shqip, Behlul Beqaj i cili thotë se nuk duhet të krenohemi me ata që po na turpërojnë, në Hagë, sikur po na turpëruaka, sipas tij, kryetari i Kosovës, Hashim Thaçi. Ndërkohë, Xhejms Rubin, Ish- zëdhënësi i Departamentit Amerikan të Shtetit gjatë luftës në Kosovë, ka konsideruar aktakuzën kundër Hashim Thaçit si të pabazuar në fakte, ndërsa Thaçin e konsideron si njeri të drejtë dhe mik të tij. Edhe ish ambasadori i Holandës në Kosovë, Robert Bosh thotë se UÇK ishte një organizatë që u paraqit në fund të viteve ‘90-ta, sepse aktivitetet paqësore të Rugovës nuk patën rezultat dhe disa të rinj, ndër ta edhe presidenti Thaçi deklaruan se tanimë duhet rrokur armët, se vendi ynë do të shkatërrohet.
Dy akuzat për UÇK-në të Behlul Beqajt dhe Veton Surroit, i cili UÇK-në e quan organizatë fashiste, janë të tilla si ato të Sheshelit, Daçiqit, Vuçiqit, madje të shprehura me një patetikë të urrejtjes së njëjtë me atë të Milosheviqit kundër shqiptarëve. Nga ky soj “jugoviqësh” janë edhe Jusuf Buxhovi, Vehbi Kajtazi, Shkëlzen Gashi, Adriatik Kelmendi, Flaka Surroi, Enver Robelli, e dhjetëra të tjerë, të cilët ekskluzivisht shkruajnë për Kompaninë Koha, e cila mbanë të gjallë flamurin e vetëm të Jugosllavizmit në Kosovë. Kjo “kotillë” jugosllave, mjerisht ka pasur dhe ka përkrahjen e ish-strukturave politike, policore, të milicisë, të OZN-së dhe UDB-së, të cilat kanë mbajtur pushtetin vasal për afër 50-vjet, në Kosovë dhe të cilët janë infiltruar kudo në mekanizmat dhe institucionet e Kosovës edhe pas çlirimit nga Serbia. Kompania Koha, ka bërë një Pazar politik me Vetëvendosjen, fushatën e së cilës po e mbështet me tërë kapacitetin e vet.
Andaj, nuk është për t u habitur që ky soj shqipfolësish është gjallë, madje i fortë, sepse ndjenja e tyre e kalitur që në rininë e hershme me patriotizmin jugosllav nga baballarët e nënat e tyre, është pjesë e qenies dhe përcaktimit të tyre ideologjik dhe politik.
Pastaj është tjetra, më e qenësishmja, të gjithë këta, me ndonjë përjashtim, kanë vjelë favore marramendëse nga ish regjimit, të cilit i kanë shërbyer qenqe sikur i shërben skllavi padronit. Kjo klasë degjenrerikësh, as për 20 vjet të krijimit të realitetit të ri në Kosovë, nuk po arrin të mësohet me kthesën e madhe historike që ka ndodhur dhe kurrsesi nuk duan ta pranojnë, se me fitoren e UÇK-së dhe të NATO-s u ndërmor dëbimi i përjetshëm të regjimit ndër më barbarët, që i ka njohur historia, sikur ishte regjimi i Milosheviqit dhe i mbetjeve të tij në Serbi, por edhe në Kosovë.
Në rastin konkret kemi të bëjmë me një mendësi të trashëgimisë pacifiste, e cila ndër shekuj ka jetuar me “lepe-peqe” jes-molim etj. Kjo klasë e cikluar dhe e ricikluar ndër shekuj, nuk është specifikë vetëm e shqiptarëve, por vërehet edhe te popujt e tjerë të cilët gjatë shumë shekujve kanë jetuar nën robëri.
Një segment politik dhe ideologjik i ish strukturave qeveritare e pushtetarë të regjimit serb, në Kosovë është i pranishëm në tërë mekanizmin shtetformues të vendit, dhe pikërisht kjo ka sjellë stagnimin e të gjitha proceseve pozitive e afirmative të Republikës së Kosovës, nga e cila nuk heq dorë Serbia edhe për faktin se e di fare mirë që jo pak shqiptarë e shqipfolës e kanë dashur dhe e duan Serbinë, madje edhe këtë të Sheshelit, Vuçiqit e të Daçiqit.
Në vazhdën e publikimeve kundër luftës së UÇK-së dhe pranimit të akuzave ende të paverifikuara dhe të pa publikuara të Gjykatës Speciale, pikërisht gjatë ditëve kur u mor në pyetje kryetari i Kosovës, Hashim Thaçi, në Hagë, kompania Koha e Veton dhe Flaka Surroit vazhdon publikimin e shkrimeve linçuese, fyese e përçarëve kundër UÇK-së. Ditë më parë ajo ka botuar një shkrim të mashtruesit dhe abuzuesit me paratë publike, Behlul Beqaj, i cili fton shqiptarët e ndershëm, ata të sojit dhe rodit të tij degjenerik që të mos krenohen me Hashim Thaçi, Kadri Veselin dhe 270 të akuzuarit e Gjykatës së Hagës, sepse, sipas mendjes së tij të robëruar ata e paskan turpëruar Kosovën, me luftën e tyre çlirimtare. Madje kjo krijesë e pa pikë dinjiteti njerëzor e kombëtar, krenohet se ka qenë edhe zyrtar i UÇK-së në Tiranë, gjatë kohës së luftës, ndërsa pas luftës e botoi dhe e zhvati deri në bankrotim një gazetë të PDK-së dhe nuk u mor asnjëherë në përgjegjësi. Më vonë u akuzua për keqpërdorim të parasë publike, por kurrë nuk doli para gjyqit.
Dikur mik e vasal i Thaçit, më vonë kundërshtar i tij, analisti i jugomedieve, Behlul Beqaj kohë më parë konsideronte se është pa kuptimtë nëse Gjykata Speciale nuk do ta arrestonte kryetarin e Kosovës, Hashim Thaçi, meqë sipas tij ai kishte qenë edhe shënjestra kryesore e raportit të Dik Martit të cilit i beson fort ky analist i nostalgjisë së bashkim vëllazërimit. Ai thotë se Thaçi nuk ka përkushtim për Amerikën. Do të ishte padrejtësi e madhe që personi më i apostrofuar në raportin e Dik Martit të shpëtojë nga Gjykata Speciale”, theksoi Behlul Beqaj për jugo-mediet e Kosovës, duke arsyetuar raportin e Dik Martit në të cilin shkruan se ‘luftëtarët e UÇK-së kanë kontrabanduar me organet e serbëve të rrëmbyer gjatë luftës në Kosovë’.
Analisti, Behlul Beqaj, beson se në zgjedhjet e sivjetshme parlamentare nuk do të votohet për programin politik, por do të jetë një votë pro ose kundër qeverisjes së gjashtë vjetëve të fundit.
Qeverisja aktuale, sipas tij, identifikohet shumë me Drenicën, “Unë i thash edhe një shoqes time në politikë; po që se sivjet do të krijohej një parti anti-Drenicë, ajo parti do të arrijë të futet në Parlament”, duke aluduar në Vetëvendosjen, gjë që edhe ndodhi.
Kohë më pare një polic shqip-folës me mendësinë e milicit të Serbisë kishte thënë: Nëse doni të shkoni në kopsht zoologjik, shkoni në Drenicë!. Një tjetër polic-milic gati sa nuk kishte pëlcitur nga gëzimi se do të arrestohet, kryetari i Kosovës, Hashim Thaçi.
Ndër titujt bombastikë të jugo-medive u ka rënë të lexoni:
-Specialja po e dridh Kosovën!
-Tërmeti special!
-Po vjen epoka e Speciales, çirrej Adriatik Kelmendi në kohën e festimit të 19-vjetorit të Epopesë së UÇK-së.
Kjo urrejtje patologjike vjen nga ADN-ja e tyre e lindur dhe e trashëguar politike e ideologjike. Këto klithma dalin nga koka e djalit të prokurorit të Serbisë e të ish-Jugosllavisë, nga goja e djalit dhe bijës së ambasadorit të Titos, nga mendja e gjymtuar e sojit jugosllav, nga bastardët e dëshmitarët e mbrojtur të Gjykatave të EULEX-it e të Hagës.
Përderisa shqipfolësit e Kosovës, që kanë përfituar milionat në Kosovën e lirë dhe të pavarur, të ujitur me gjakun e dëshmorëve e martirëve, përderisa këta ngrehin zërin kundër UÇK-së, kundër Drenicës e Dukagjinit, në anën tjetër jo pak autoritete ndërkombëtare kanë pasur dhe kanë qëndrim kundër Gjykatës Speciale, të njëanshme dhe raciste dhe kanë qenë e kanë mbetur në mbrojtje luftës së Ushtrisë Çlirimtare të Kosovës.
Ish- zëdhënësi i Departamentit Amerikan të Shtetit gjatë luftës në Kosovë, Xhejms Rubin ka konsideruar aktakuzën ndaj Hashim Thaçit si të pabazuar në fakte. Rubin kujton kohën kur është njohur me Thaçin në Rambuje, dhe rrëfen se ai ishte njeri i ndershëm. Xhejms Rubin shprehet se është krenar që punoi me Thaçin gjatë luftës në Kosovë pasi së bashku arritën mbështetje në perëndim dhe mposhtën agresionin ushtarak serb. “Të jem i sinqertë, është kënaqësi të flas me miqtë në Shqipëri, Kosovë e Maqedoni. Një nga punët më të rëndësishme të miat ka qenë për të dhënë ndihmë për popullin tuaj. Unë po shpresoja që dialogu mes Kosovës dhe Serbisë do ecte përpara. Vijoj të shpresoj për një zgjidhje për të mirën e gjithë popullit të Ballkanit. Nuk e prisja publikimin dramatik të akuzave ndaj Presidentit Thaçi. I di disa nga akuzat që janë drejtuar ndaj tij. Por jam krenar me punën që kam bërë me Thaçin në vitet 1998- 1999, sepse siguruam mbështetje perëndimore dhe arritëm të mposhtim agresionin ushtarak serb. Sa herë që akuzohet për diçka, është shqetësuese, nuk kam parë ndonjë fakt mbi akuzat. Ka shumë akuza në botë, por dua të di faktet, dhe s’kam parë kurrë fakte. Më vjen keq se pse mund të ndërhyjë në procesin e paqes dhe stabilitetit Kosovë- Serbi .”- tha Rubin.
Në intervistën dhënë Radio Televizionit të Kosovës, ish-ambasadori holandez në Kosovë, Robert Bosch, ka folur për aktakuzën e ngritur ndaj presidentit të Kosovës, Hashim Thaçi. Ai, u përqendrua më shumë rreth kohës sa ishte me detyrë si ambasador i Holandës në Kosovë. “Do të doja të shfrytëzoja këtë mundësi të tregoj më shumë rreth kohës që isha në Kosovë kur raporti u publikua dhe isha shumë i befasuar, meqë së pari ishte jo mirë i shkruar dhe në të vërtetë nëse lexon këtë raport dhe ajo që më befason është se gjyqtarët thonë që të shikojnë krimet nga ana e UÇK-së, por jo edhe krimet nga serbët. Pika kryesore e aktakuzës është trafikimi me organet, ku lidhur me këtë më 2014 Knut Wiliamson, prokurori amerikan, konkludoi se nuk ka asgjë dyshuese rreth trafikimit me organe”, ka deklaruar Bosch. Më tej ai shtoi se” “UÇK ishte një organizatë që u paraqit në fund të viteve ‘90-ta, sepse aktivitetet paqësore të Rugovës nuk patën rezultat dhe disa të rinj, ndër ta edhe presidenti Thaçi deklaruan se tanimë duhet rrokur armët, se vendi ynë do të shkatërrohet”. UÇK-ja bëri diçka që ishte e ndershme për të luftuar, as më pak e as më shumë se për mbijetesë ka saktësuar, Robert Bosh.
- 7. 2020
Përditësuar
- 1. 2025
Prishtinë
