Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lideri i LDK, Lumir Abdixhiku, ka deklaruar se nuk do të japë qëndrime për zhvillimet pas zgjedhore deri në përfundimin e plotë të numërimit të votave. Ai ka theksuar se LDK-ja do të marrë vendimet e saj vetëm pasi të ketë një pasqyrë të qartë të rezultateve përfundimtare, pasi pret t’i ketë 180 mijë vota. Ky është një rezultat i mirë pas rënies, por nuk është rezultat ndryshimi për Kosovën, pasi qytetarët kanë preferenca të tjera, ka shkruar Abdixhiku. Ndërkohë, kryeministri në detyrë dhe lideri i Lëvizjes Vetëvendosje, Albin Kurti, ka shprehur besimin se do të formojë qeverinë e tij të tretë. Megjithatë, ai nuk ka dhënë ndonjë sqarim mbi mënyrën se si do të sigurojë shumicën parlamentare, duke pasur parasysh se partitë opozitare tashmë kanë refuzuar mundësinë e një koalicioni me LVV-në.
