Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas ankesave të shumta të qytetarëve për rritjen e kostos së jetës për shkak të rritjes së tatimit në pronë, energjisë, mandej tatimit në tokat bujqësore si dhe artikuj tjetër jetik për mirëqenie, Asociacioni i Komunave të Kosovës i ka kërkuar Qeverisë që të marrë parasysh shqetësimet e qytetarëve. Drejtori ekzekutiv i Asociacioni i Komunave të Kosovës, Sazan Ibrahimi ka theksuar se komunat janë institucionet e para ku qytetarët shprehin pakënaqësitë e tyre dhe ka kërkuar nga Qeveria që t’i merr parasysh këto ankesa të arsyeshme të qytetarëve. “Për çdo ditë jetë e qytetarit është duke u vështirësuar, për shkak të ngritjes së çmimeve, për shkak të inflacionit, tatimit në pronë, tatimit në tokë bujqësore, tani edhe rryma elektrike dhe gjitha këto brenga të qytetarëve së pari po dëgjohen nga kryetarët e komunave. Bordi i AKK-së ka dalë me një deklaratë dhe ka kërkuar nga niveli qendror që të marr parasysh këto shtrenjtime, këto ngritje të cilat po i kushtojnë qytetarit të Kosovës” ka theksuar drejtori i Asociacionit të Komunave të Kosovës, Sazan Ibrahimi.
