Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i zgjedhur në Kuvendin e Kosovës, Artan Behrami, ka kritikuar ashpër Gjykatën Speciale, duke theksuar se ky institucion ka tradhtuar besimin që shteti kosovar i dha. Ai u shpreh se Kosova i ka dhënë gjithçka Gjykatës Speciale: ligjin, kompetencat, dhe madje edhe institucionet e saj më të rëndësishme, si Gjykatën Kushtetuese. Behrami theksoi se kjo gjykatë, që kishte për mision të ofronte drejtësi, ka keqpërdorur gatishmërinë dhe mirëbesimin që Kosova ka pasur në drejtësinë ndërkombëtare dhe evropiane. Sipas tij, Gjykata Speciale është krijuar për të trajtuar pretendimet e raportit të Dick Marty-t, por nuk ka arritur të përmbushë këtë detyrë, duke tradhtuar kështu besimin e dhënë nga deputetët e Kosovës.
