Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti shqiptar në Kuvendin e Serbisë, Shaip Kamberi, ka dorëzuar një sërë materialesh arkivore Institutit për Krime Lufte në Prishtinë, të cilat dokumentojnë në mënyrë të detajuar represionin shtetëror serb ndaj popullatës civile shqiptare në periudha të ndryshme historike. Kamberi ka bërë të ditur se materialet përfshijnë fotografi, raporte dhe dokumente zyrtare, të cilat dëshmojnë diskriminimin etnik, dhunën sistematike, maltretimet dhe vrasjet e civilëve shqiptarë, që nga periudha para luftës, gjatë luftës së fundit në Kosovë, e deri pas saj. Këto materiale i kam mbledhur ndër vite në cilësinë e ish-kryetarit të Këshillit për të Drejtat e Njeriut, si pjesë e angazhimit tim për të dokumentuar shkeljet e rënda të të drejtave të njeriut ndaj shqiptarëve në jug të Serbisë dhe në Kosovë, ka deklaruar Kamberi. Ai theksoi se dokumentimi i së kaluarës është thelbësor për drejtësinë dhe për ndërtimin e paqes së qëndrueshme në rajon.
