Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Safete Shala, kryetare e Organizatës së Familjeve të Dëshmorëve, dega në Pejë, dhe motra e dëshmorit të kombit Kasim Shala, ka reaguar ashpër ndaj njollosjes së varrit të Heroit të Kombit, Bekim Berisha – ABEJA.
Në një deklaratë publike, znj. Shala ka shprehur shqetësimin e thellë për këtë akt, duke e cilësuar si të turpshëm dhe fyes ndaj kujtimit të një figure emblematike të luftës për liri. Ajo ka kërkuar nga organet e rendit që të hetojnë urgjentisht rastin dhe të sjellin para drejtësisë personin apo personat përgjegjës.
“Trupi e mbuloftë atë që e kreu këtë vepër të shëmtuar,” ka theksuar Shala, duke shtuar se veprime të tilla jo vetëm që lëndojnë ndjenjat e familjeve të dëshmorëve, por edhe cenojnë dinjitetin kombëtar.
Bekim Berisha – ABEJA është një nga figurat më të respektuara të luftës në Kosovë dhe nderimi ndaj tij mbetet detyrim moral dhe institucional për të gjithë shoqërinë.
