Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të enjten, përfaqësues të bizneseve bllokuan përkohësisht hyrjet në Prishtinë në shenjë proteste kundër kalimit në tregun e lirë të energjisë. Protesta u organizua nga Oda Ekonomike, pa përfshirje politike. Kryetari i Odës, Lulzim Rafuna, paralajmëroi se bizneset do të përballen me rritje të çmimit të energjisë prej 220 deri në 270%. Kryeministri në detyrë, Albin Kurti, i cilësoi protestat si “barrikada të papranueshme”, duke thënë se ato mbrojnë 1% të bizneseve në kurriz të qytetarëve. Deklaratat e tij nxitën reagime të ashpra nga opozita dhe shoqëria civile, që i cilësuan krahasimet si të padrejta. ZRRE konfirmoi se vendimi për liberalizim hyn në fuqi më 1 qershor. KEK dhe KOSTT njoftuan marrëveshje të re për furnizim me energji, në kuadër të tregut të hapur. Të gjitha bizneset e mëdha duhet të gjejnë vetë furnizues, ndryshe kalojnë në treg të hapur me çmime të parregulluara.
