Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj, është takuar sot me përfaqësues të Institutit Demokratik të Kosovës, dhe organizatave të tjera të shoqërisë civile, për të diskutuar krizën e zgjatur institucionale në vend. Limaj deklaroi se gjatë takimit u theksua se bllokimi i institucioneve është i papranueshëm dhe se dështimi për të formuar institucionet nuk duhet të çojë në zgjedhje të reja. Ai nënvizoi se në emër të demokracisë nuk mund të justifikohet dëmtimi i interesave të shtetit dhe shtoi se NISMA është e gatshme të kontribuojë në ndërtimin e një marrëveshjeje që garanton stabilitet dhe funksionalitet institucional. “Qytetarët presin zgjidhje dhe qeverisje, jo krizë të përhershme. Kosova ka nevojë për institucione funksionale dhe lidership që merr përgjegjësi,” përfundoi Limaj.
