Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Isa Mustafa, në mbledhjen e Qeverisë ka deklaruar se Shtetet e Bashkuara të Amerikës konsiderojnë se marrëveshja e demarkacionit me Malin e Zi është shumë e qartë. Nën-kryetari amerikan, Joe Biden ka rekomanduar që të procedohet kjo marrëveshje, sepse insistimi se Kosova po humbë territor është i paqëndrueshëm. “Vlerësojmë lartë përkushtimin e SHBA-ve në ratifikimin e kësaj marrëveshje. Qeveria beson qe deputetet duhet të veprojnë në harmoni me strategjitë që ne kemi ndërtuar dhe po i ndërtojmë me SHBA-të. Çdo veprim tjetër nuk do të ishte në interes të Kosovës, sovranitetit dhe integritetit të saj. Adresimi i këtyre çështjeve i hap rrugë mbështetjes së SHBA-ve për Kosovën”, ka thënë Mustafa. Në mbledhjen e sotme të Qeverisë, Mustafa po ashtu ka thënë se Qeveria do të punojë që të themelohet Asociacioni i Komunave Serbe në Kosovë.
