Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Memli Krasniqi, së bashku me Sekretaren e Përgjithshme të partisë, morën pjesë në një pritje të organizuar nga Ambasada e Japonisë në Kosovë, me rastin e vizitës së profesorit të njohur Hisashi Owada. Profesori Owada ka marrë titullin “Doctor Honoris Causa” nga Universiteti i Prishtinës, në shenjë mirënjohjeje për kontributin e tij akademik dhe angazhimin në fushën e së drejtës ndërkombëtare dhe të paqes globale. Gjatë ceremonisë, kryetari Krasniqi vlerësoi lart figurën e profesorit Owada, duke e cilësuar si një personalitet të shquar që ka dhënë një kontribut të jashtëzakonshëm në shërbim të drejtësisë ndërkombëtare. Hisashi Owada ka qenë kryetar i Gjykatës Ndërkombëtare të Drejtësisë në vitin 2010, kur kjo gjykatë konfirmoi se shpallja e pavarësisë së Kosovës nuk është në kundërshtim me të drejtën ndërkombëtare.
