Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Gjykatës Kushtetuese, Enver Hasani, ka deklaruar se qeveria në detyrë e Albin Kurtit po e mban pushtetin pa asnjë bazë ligjore dhe kushtetuese. Hasani e quajti këtë situatë një “uzurpim të pastër të pushtetit”. Ai tha se pas certifikimit të zgjedhjeve, është dashur që pushteti ekzekutiv të dorëzohet automatikisht dhe se çdo veprim pas atij momenti është i paligjshëm. “Pa diskutim, të gjithë janë uzurpues të pushtetit ekzekutiv. Kushtetuta e thotë qartë – me certifikimin si deputet, dorëzohet pushteti”, deklaroi Hasani. Sipas tij, degjenerimi institucional ka vazhduar më tej kur është ndërruar rendi i ditës për konstituimin e Kuvendit – gjë që e cilëson si tërësisht joligjore dhe të kundërt me aktgjykimin e Gjykatës Kushtetuese të vitit 2015. Hasani përfundon se interpretimet aktuale janë “malicioze” dhe rrezikojnë themelin e rendit kushtetues në vend.
