Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zjarret kanë përfshirë disa rajone të Shqipërisë, duke vënë në alarm autoritetet dhe strukturat e emergjencës. Sipas Qendrës Kombëtare Operacionale të Emergjencave Civile, deri të enjten janë raportuar 18 vatra zjarri në gjithë vendin. Nga to, 10 janë shuar, ndërsa 8 mbeten ende aktive. Zonat më të prekura janë qarqet Dibër, Fier, Vlorë, Gjirokastër dhe Elbasan. Në terren janë angazhuar 291 forca operacionale dhe 29 automjete zjarrfikëse, të cilat po punojnë në kushte të vështira për të vënë nën kontroll flakët. Për përballimin e situatës janë vënë në dispozicion edhe Forcat e Armatosura me 2 helikopterë, 120 efektivë dhe 4 mjete zjarrfikëse shtesë, të cilët po ndihmojnë sidomos në zonat e thella dhe me terren të vështirë. Autoritetet mbeten në gatishmëri të plotë dhe u bëjnë thirrje qytetarëve të raportojnë menjëherë çdo vatër të mundshme për të parandaluar përhapjen e mëtejshme të flakëve.
