Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Kushtetuese ka vendosur të martën se seanca konstituive e Kuvendit të Kosovës nuk ka përfunduar, pasi nuk është zgjedhur nënkryetari nga radhët e komunitetit serb. Deputetëve iu dha një afat prej 12 ditësh për ta përmbyllur këtë proces dhe për ta bërë Kuvendin funksional. Në lidhje me këtë zhvillim, ish-kryenegociatorja e Kosovës në dialogun me Serbinë, Edita Tahiri, ka reaguar ashpër duke e cilësuar situatën si pasojë të shkeljes së Kushtetutës nga udhëheqësit aktualë. “Kosova s’po mundet me marrë frymë prej shkelësve të Kushtetutës – një kryeministër ilegal, një kryetar i Kuvendit të pakonstituar dhe një presidente, ndonëse profesoreshë e drejtësisë, hamendësohet për vendimet e Gjykatës Kushtetuese”, ka shkruar Tahiri. Ajo paralajmëroi se kriza institucionale po e dëmton seriozisht shtetin, ndërsa zbatimi i vendimeve të Kushtetueses mbetet test kyç për funksionimin demokratik të Kosovës.
