Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lëvizjes Vetëvendosje, Albin Kurti, në mbledhjen e 60-të të Këshillit të Përgjithshëm të partisë, ka emëruar zëvendëskryetarin Glauk Konjufca si mandatar për formimin e qeverisë së re. Vendimi i Kurtit ka nxitur reagime dhe interpretime të shumta politike, me shumëkënd që e konsideron një veprim me prapavijë elektorale. Visar Ymeri, e ka cilësuar këtë veprim si një taktikë për zvarritjen e procesit zgjedhor dhe për ta afruar datën e zgjedhjeve me festat e fundvitit. Është taktikë elektorale. Në njërën anë ta zvarrisë procesin që zgjedhjet të mbahen sa më afër festave të fundvitit. Kjo është një taktikë tashmë e përdorur nga Kurti për t’i fajësuar partitë e tjera si jonkonstruktive, në mënyrë që të fshehë mungesën e gatishmërisë për marrëveshje dhe përgjegjësinë për bllokadën e institucioneve, ka shtuar ai. Vendimi i Kurtit për të emëruar Glauk Konjufcën si mandatar për qeverinë e re shihet si përpjekje për të ruajtur kontrollin politik dhe për të fituar kohë para zgjedhjeve të pashmangshme. Në thelb, ky zhvillim e shtyn më tej krizën institucionale dhe krijon perceptimin se vendi po hyn në një fazë politike ku taktika dhe kalkulimi elektoral po mbizotërojnë ndaj përgjegjësisë shtetërore.
