Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pesë vjet pas dërgimit të ish-krerëve të Ushtrisë Çlirimtare të Kosovës – Hashim Thaçit, Kadri Veselit, Jakup Krasniqit dhe Rexhep Selimit – në Hagë, debati për themelimin e Gjykatës Speciale vazhdon të mbetet i ndezur. Ish-deputetja Aida Dërguti deklaroi se krijimi i kësaj gjykate ishte pasojë direkte e raportit të ish-senatorit zviceran, Dick Marty, dhe e presionit të fortë ndërkombëtar ndaj institucioneve të Kosovës. “Gjykata Speciale është produkt i raportit të Dick Martyt, rezolutës që doli prej atij raporti dhe presionit ndërkombëtar që iu bë Kosovës në atë kohë”, u shpreh Dërguti. Ajo shtoi se themelimi i Speciales nuk ishte vullnet i brendshëm institucional, por një proces i imponuar nga faktorët ndërkombëtarë, me qëllim që të adresoheshin pretendimet e raportit të Martyt për krime të supozuara të luftës. Procesi gjyqësor ndaj ish-krerëve të UÇK-së në Hagë, i cili po zgjat tashmë pesë vjet, mbetet ndër çështjet më të ndjeshme politike dhe historike për Kosovën.
