Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti, Adem Grabovci ka reaguar me një mesazh emocional dhe shpresëdhënës, duke shprehur optimizëm për fatin e ish-krerëve të UÇK-së që po mbahen në Hagë. Ai theksoi se, pas muajsh të gjatë e të vështirë për familjet, shokët dhe gjithë vendin, po shfaqen shenja drite dhe shprese, të cilat i cilësoi si “rrezet e Diellit” që paralajmërojnë pranverën e pafajësisë dhe të drejtësisë së vonuar ndërkombëtare. Grabovci vlerësoi qëndrueshmërinë dhe stoicizmin e çlirimtarëve, duke thënë se ata kanë mbetur të palëkundur si në kohë lufte ashtu edhe në paqe, në betejën për të hequr njollën e padrejtësisë nga historia jonë. Sipas tij, ata janë vizionarë, të gatshëm për sakrificë në interes të vendit dhe të mbushur me shpresë e optimizëm se kjo do të jetë vizita e fundit e tyre në Hagë. “Në momentin kur retë e zeza të largohen dhe drejtësia të zërë vendin e merituar, Dielli do të lindë përsëri”, ka përfunduar Grabovci, duke përcjellë përshëndetje dhe mbështetje për të gjithë ata që, sipas tij, po mbahen padrejtësisht larg atdheut.
