Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë vizitës së tij zyrtare në Izrael, kryeministri i Shqipërisë, Edi Rama, mbajti një fjalim domethënës në Parlamentin izraelit, ku vuri në pah lidhjet historike mes dy popujve dhe rolin unik të shqiptarëve në mbrojtjen e hebrenjve gjatë Luftës së Dytë Botërore. Rama kujtoi me krenari solidaritetin e shqiptarëve në kohët më të errëta të historisë, duke theksuar se gjatë Holokaustit, kur nazistët kërkuan dorëzimin e hebrenjve, shqiptarët refuzuan me vendosmëri: “Na merrni floririn, por jo hebrenjtë”. Ai nënvizoi se kjo nuk është legjendë, por një fakt historik që buron nga kodi i nderit dhe mikpritjes shqiptare, i përmbledhur në shprehjen: “Shtëpia e shqiptarit i përket Zotit dhe mikut”. Kryeministri shqiptar theksoi se kjo trashëgimi shekullore lidh dy popujt dhe përbën një mësim universal për fuqinë e humanizmit mbi ideologjitë përçarëse. Në këtë frymë, Rama përcolli edhe një mesazh të fortë paqeje, duke theksuar se paqja duhet kërkuar pa u ndalur te fajtorët, por duke u fokusuar te e ardhmja dhe bashkëjetesa. Fjalimi i tij u prit si një dëshmi e miqësisë së thellë shqiptaro-izraelite dhe si një thirrje për dialog, tolerancë dhe respekt mes kombeve.
