Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Qendrën e Numërimit dhe Rezultateve po vazhdon rinumërimi i fletëvotimeve, proces që tashmë ka përfshirë mbi 77 për qind të vendvotimeve në gjithë vendin. Deri më tani janë rinumëruar 1 mijë e 973 nga gjithsej 2 mijë e 557 vendvotime, duke prodhuar ndryshime konkrete në rezultatet për shumë kandidatë për deputetë, përfshirë edhe liderët e partive politike. Sipas të dhënave të deritanishme, kandidati i Lëvizjes Vetëvendosje për kryeministër, Albin Kurti, ka pësuar rënie prej 413 votash në krahasim me rezultatin fillestar. Kreu i Partisë Demokratike të Kosovës, Bedri Hamza, ka minus 104 vota, ndërsa kryetari i Lidhjes Demokratike të Kosovës, Lumir Abdixhiku, ka humbur 167 vota. Në anën tjetër, i pari i Aleancës për Ardhmërinë e Kosovës, Ramush Haradinaj, del momentalisht me bilanc pozitiv, me 28 vota më shumë pas rinumërimit. Këto shifra po ushqejnë debatet për saktësinë e procesit fillestar të numërimit dhe po rrisin presionin mbi KQZ-në për transparencë dhe përgjegjësi institucionale. Ndryshimet, ndonëse në dukje numerikisht të vogla, kanë peshë politike dhe simbolike, sidomos kur prekin drejtpërdrejt liderët partiakë.
