Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori i së drejtës kushtetuese, Enver Hasani, ka drejtuar kritika të ashpra ndaj presidentes së Kosovës, Vjosa Osmani, duke deklaruar se shumica e vendimmarrjeve të saj gjatë mandatit janë shoqëruar me shkelje të Kushtetutës. Sipas tij, që nga dita e parë e ushtrimit të detyrës, vendimet e presidentes kanë qenë problematike nga aspekti kushtetues. Hasani ka theksuar se, në krahasim me presidentët e mëparshëm të vendit, Osmani e ka ushtruar funksionin në mënyrë më të papërgjegjshme, sipas vlerësimit të tij profesional. Ai ka ngritur shqetësim edhe për rolin e saj në raport me procesin e anëtarësimit të Kosovës në Këshillin e Evropës. Sipas Hasanit, si shefe e shtetit dhe përfaqësuese e qytetarëve në arenën ndërkombëtare, presidentja duhet të ofrojë sqarime publike për arsyet pse Kosova ende nuk është pranuar në Këshillin e Evropës.
