Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eugen Cakolli nga Instituti Demokratik i Kosovës, ka reaguar pas dakordimit që votimi i pesë nënkryetarëve të Kuvendit të bëhet në pako, duke e cilësuar këtë praktikë në përputhje me kuadrin kushtetues dhe me logjikë të qartë institucionale. Sipas tij, votimi në pako është dëshmuar edhe më herët si zgjidhje funksionale që përshpejton konstituimin e Kuvendit dhe ndan përgjegjësinë politike mes të gjitha grupeve parlamentare. “Kjo shpejton konstituimin dhe e detyron përgjegjësinë politike të ndahet mes të gjitha grupeve parlamentare. Megjithatë, ironikisht, pikërisht kjo praktikë që e patëm kërkuar vitin e kaluar ishte kundërshtuar nga ata që sot e shtynë përpara, madje ishte paraqitur si problem parimor. E gjithë kjo tregon se praktikat parlamentare marrin kuptim nga mënyra si përdoren”, ka shkruar Cakolli. Ai shton se kur këto praktika shërbejnë për të çuar përpara funksionimin e Kuvendit, ato mbeten mjete legjitime të rendit parlamentar.
