Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja Shqipe Selimi po qëndron në Hagë për të mbështetur bashkëshortin e saj, Rexhep Selimi, në fazën përfundimtare të procesit gjyqësor për krime lufte. Ajo uron 18-vjetorin e Pavarësisë së Kosovës dhe e ka përshkruar gjykimin si një “maratonë të gjatë”. Selimi ka deklaruar se dy vitet e fundit kanë kaluar pa një aktakuzë konkrete dhe se tani është momenti që të katërtit të shprehin fjalën përfundimtare, edhe pse sipas saj nuk mund ta thonë plotësisht atë që mendojnë për gjykatën, për shkak të rrezikut të penalizimit. Ajo kritikoi prokurorinë, duke thënë se nuk ka treguar prova konkrete që janë në favor të të akuzuarve, përkundrazi – sipas saj, po paragjykohet e drejta për liri. Deputetja gjithashtu shprehu shpresën që gjyqtarët të mos ndikohen nga deklaratat e prokurorëve, të cilët, sipas saj, kanë shpifur bazuar në dosjet e ardhura nga Serbia. “Rexha mbahet i fortë. Nuk dorëzohet as nuk ankohet. Unë besoj shumë në pafajësinë e tij dhe të shokëve të tij, dhe shpresoj që shumë shpejt të kthehen në Kosovë,” përfundoi ajo, duke dërguar një mesazh fuqishëm mbështetës për ish-luftëtarët e UÇK-së.
