Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i LDK-së, Arben Gashi, ka paraqitur dy skenarë të mundshëm mbi mënyrën se si mund të vendosë Gjykata Kushtetuese e Republikës së Kosovës lidhur me dekretin e presidentes Vjosa Osmani për shpërndarjen e Kuvendi i Kosovës. Sipas tij, skenari i parë është që Gjykata ta lërë në fuqi dekretin presidencial për shpërndarjen e Kuvendit, duke u mbështetur drejtpërdrejt në nenin 86.2 të Kushtetutës, i cili lidhet me dështimin për zgjedhjen e presidentit brenda afateve kushtetuese. Gashi thekson se një vendim i tillë do të ruante standardin e respektimit të germës së Kushtetutës dhe do të forconte sigurinë juridike, pasi afatet kushtetuese janë vendosur pikërisht për të shmangur zvarritjet politike dhe për të detyruar institucionet të arrijnë marrëveshje brenda një kohe të caktuar. Ndërkaq, sipas tij, skenari i dytë është që Gjykata të zgjedhë një interpretim më fleksibil, duke argumentuar se edhe nëse afati është tejkaluar, ekziston një periudhë prej 60 ditësh gjatë së cilës procesi për zgjedhjen e presidentit mund të vazhdojë. Sipas tij, kriza aktuale nuk është kushtetuese, por politike, e shkaktuar nga mungesa e kompromisit mes partive politike për zgjedhjen e presidentit të vendit.
