Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bedri Hamza, kryetar i Partisë Demokratike e Kosovës, ka vizituar Bashkësia Islame e Kosovës me rastin e Fitër Bajrami, ku ka uruar udhëheqësit e këtij institucioni dhe të gjithë besimtarët myslimanë. Gjatë kësaj vizite, ai theksoi se solidariteti është një ndër vlerat më të rëndësishme që e karakterizon shoqërinë kosovare, duke vënë në pah gatishmërinë e qytetarëve për të ndihmuar njëri-tjetrin, sidomos ata që janë në nevojë. Sipas tij, kjo frymë duhet të ruhet dhe të forcohet edhe pas muajit të Ramazanit. Hamza u shpreh se vizitat e tilla përçojnë energji pozitive dhe ndikojnë në forcimin e bashkëpunimit dhe mirëkuptimit, si ndërmjet institucioneve fetare ashtu edhe atyre shtetërore. Ai nënvizoi rëndësinë e respektit të ndërsjellë dhe bashkërendimit për të mirën e përgjithshme të shoqërisë. “Sot si gjithëherë bashkë me kolegët nga radhët e Partisë Demokratike të Kosovës jemi në vizitë tek udhëheqësit e Bashkësisë Islame për t’i uruar për Bajram, njëkohësisht t’i urojmë edhe gjithë besimtarët duke ju dëshiruar shëndet dhe të gjitha të mirat për ta dhe për familjet e tyre. Është muaj i solidaritetit… dhe është tepër mirë që njerëzit në nevojë përkrahen dhe ndihmohen”, ka deklaruar Bedri Hamza. Në fund, ai uroi që kjo festë të sjellë shëndet, lumturi dhe begati në çdo familje, duke shprehur mirënjohje dhe respekt për rolin e institucioneve fetare në shoqëri.
