Smajl Latifi: Beteja e Koshares i dha përmasën e merituar luftës sonë çlirimtare

09/04/2026 Institucionet

Beteja e Koshares i dha përmasën e merituar luftës sonë çlirimtare, duke përshpejtuar rrugëtimin drejt lirisë dhe duke e shndërruar atë në një moment përcaktues të historisë sonë. Ajo ishte një kontribut i jashtëzakonshëm që ndikoi drejtpërdrejt në epilogun e luftës, ku Serbia pushtuese u detyrua të nënshkruajë kapitullimin dhe të tërhiqet nga toka jonë, e larë me gjakun e 114 heronjve e të dëshmorëve që ranë në Koshare për lirinë e Kosovës.
Sot, 27 vjet më pas, më 9 prill, kujtojmë fillimin e shembjes me luftë të kufirit shqiptaro-shqiptar, kufi ky i padrejtë e i dhunshëm, që për gati një shekull mbajti të ndarë vëllezër e motra të një gjaku e të një kombi.
Beteja e Koshares përcolli një porosi të qartë, se liria nuk mund të ndalet, se liria kërkon besim të palëkundur, guxim dhe vendosmëri për ta jetësuar idealin kombëtar.
Sakrificat ishin të mëdha. Rëniet e trimave në logun e betejave mbeten përjetësisht amanet për ne që jetojmë të lirë, amanet për ta ruajtur lirinë, për ta nderuar gjakun e derdhur dhe për t’ua përcjellë brezave që do të vijnë si kujtesë dhe si detyrim i madh.
Lavdi e përjetshme dëshmorëve të Koshares dhe gjithë dëshmorëve të kombit!

Kontrolloni gjithashtu

Kryetari Ekrem Kastrati bëri homazhe në 27-vjetorin e rënies së dëshmorëve të kombit

Në shënim të 27-vjetorit të rënies heroike të dëshmorëve të kombit, Ibrahim Mazrreku, Kujtim Krasniqi, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara