Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretarja e Partisë Demokratike të Kosovës, Vlora Çitaku, ka deklaruar se procesi i zgjedhjes së presidentit është një moment kyç për funksionimin e demokracisë parlamentare në Kosova, duke kritikuar qasjen e qeverisë në këtë drejtim. Ajo bëri të ditur se PDK-ja i ka kërkuar kryeministrit Albin Kurti që çdo kërkesë për bashkëpunim të formalizohet me shkrim, por sipas saj, një hap i tillë ende nuk është ndërmarrë. “Parlamenti i Kosovës ka 120 deputetë, ndërsa PDK-ja ka vetëm 22 deputetë. Nëse shumica parlamentare është e interesuar për të zgjedhur presidentin, nuk e ka opsion vetëm bashkëbisedimin me PDK-në, por ka edhe mundësi të tjera”, deklaroi Çitaku pas mbledhjes së Kryesisë. Ajo theksoi se zgjedhja e presidentit kërkon seriozitet institucional dhe koordinim të qartë politik, ndërsa mungesa e një komunikimi zyrtar nga ana e qeverisë, sipas saj, tregon hezitim dhe mungesë qartësie në këtë proces të rëndësishëm shtetëror.
