Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Industrisë, Ndërmarrësisë, Tregtisë dhe Inovacionit, ka shqiptuar gjoba ndaj KEDS për përdorimin e njehsorëve elektrikë me afat të skaduar verifikimi, duke ngritur shqetësime serioze për respektimin e standardeve ligjore dhe mbrojtjen e konsumatorëve. Pas ankesave të shumta dhe kontrolleve në terren, Komisioni Verifikues, përmes analizave në Agjencia e Metrologjisë e Kosovës, konstatoi se KEDS nuk kishte respektuar afatet e detyrueshme për vlefshmërinë e njehsorëve. Si rezultat, Inspektorati Qendror i Mbikëqyrjes së Tregut vendosi gjoba nga 1,500 deri në 5,000 euro për secilin njehsor jashtë afatit, bazuar në Ligjin për Metrologji. Megjithatë, ky zhvillim ka nxitur kritika për mungesë të mbikëqyrjes së vazhdueshme dhe reagim të vonuar institucional, pasi përdorimi i pajisjeve të pa-verifikuara mund të ketë ndikuar drejtpërdrejt në faturimin dhe besimin e qytetarëve ndaj sistemit energjetik. Rasti hap pikëpyetje jo vetëm për përgjegjësinë e operatorit, por edhe për efikasitetin e mekanizmave shtetërorë në parandalimin e shkeljeve që prekin drejtpërdrejt konsumatorët.
