Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eugen Cakolli nga Instituti Demokratik i Kosovës ka paralajmëruar se mosemërimi i anëtarit të dhjetë të Komisioni Qendror i Zgjedhjeve po dëmton funksionimin kushtetues të këtij institucioni. Ai theksoi se vonesat në plotësimin e përbërjes së KQZ-së përbëjnë shkelje të kompetencave kushtetuese, duke ia atribuar përgjegjësinë si ish-presidentes Vjosa Osmani, ashtu edhe ushtrueses së detyrës së presidentes Albulena Haxhiu. Sipas Cakollit, mungesa e një anëtari e lë KQZ-në jofunksionale në kuptimin e plotë kushtetues dhe rrezikon seriozisht besimin e publikut në administrimin e proceseve zgjedhore. Ai paralajmëroi se në rast të mbajtjes së zgjedhjeve të reja, çdo vendim i KQZ-së mund të kontestohet për nga legjitimiteti, pikërisht për shkak të përbërjes jo të plotë të institucionit. Cakolli shtoi se ushtruesja e detyrës së presidentes nuk ka të drejtë ta zvarrisë më tej këtë proces, pasi një veprim i tillë, sipas tij, po pengon funksionimin kushtetues të KQZ-së dhe krijon paqartësi institucionale në një moment të ndjeshëm për vendin.
