Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në ambientet e Kuvendit të Republikës së Kosovës, gazetari i njohur Nuhi Bytyçi ka bërë homazhe dhe ka shkruar në Librin e Zisë në nderim të Akademik Rexhep Qosjes.
Me këtë rast, Bytyçi e vlerësoi lart figurën dhe veprën e Qosjes, duke e cilësuar atë si një ndër intelektualët më të shquar të kombit shqiptar, i cili dha kontribut të jashtëzakonshëm për lirinë dhe pavarësinë e Kosovës, si dhe për çështjen kombëtare në përgjithësi.
“Akademik Rexhep Qosja ishte ndër intelektualët më të shquar të kombit shqiptar, i cili dha kontribut të jashtëzakonshëm për lirinë dhe pavarësinë e Kosovës, si dhe për mbarë kombin shqiptar. Pata fatin ta intervistoj në kohë të vështira”, ka shkruar Bytyçi në Librin e Zisë.
Në fund të mesazhit të tij, ai ka shprehur nderimin maksimal për figurën e akademikut, duke theksuar: “Lavdi jetës dhe veprës së Akademik Qosjes!”.
