Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Ditën e Personave të Pagjetur, deputeti i Kuvendit të Kosovës, Enver Hoxhaj ka rikujtuar plagën e rëndë që vazhdon të mbetet e hapur për mijëra familje kosovare, duke kërkuar drejtësi dhe zbardhjen e fatit të të zhdukurve gjatë luftës. Përmes reagimit publik, Hoxhaj theksoi se çështja e personave të pagjetur mbetet një nga sfidat më të mëdha shtetërore dhe njerëzore për Kosovë, ndërsa familjet ende jetojnë me dhimbjen e pritjes dhe mungesës së përgjigjeve. Ai deklaroi se kërkimi i drejtësisë për krimet e kryera nga regjimi serb dhe zbardhja e së vërtetës janë detyrime që nuk mund të harrohen apo të shtyhen. Sipas tij, kjo ditë rikujton çmimin e lartë që populli i Kosovës ka paguar për lirinë. Hoxhaj nënvizoi se çështja e të pagjeturve nuk është vetëm obligim institucional, por edhe përgjegjësi morale ndaj familjeve që prej dekadash kërkojnë të dinë fatin e më të dashurve të tyre. Dita e Personave të Pagjetur shënohet çdo vit në Kosovë si thirrje për drejtësi, të vërtetë dhe përballje me krimet e së kaluarës.
