Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kongresmeni amerikan Keith Self ka kërkuar shtim të presionit diplomatik ndaj pesë vendeve të NATO-s që ende nuk e njohin pavarësinë e Kosovës, duke paralajmëruar se kjo po pengon forcimin e sigurisë dhe stabilitetit në Ballkan. Gjatë një seance dëgjimore në Komitetin për Punë të Jashtme të Kongresit amerikan, Self theksoi se njohja e plotë ndërkombëtare e Kosovës dhe anëtarësimi i saj në NATO janë hapa të domosdoshëm për paqen afatgjatë në rajon. Ai kritikoi hezitimin e disa aleatëve brenda Aleancës, duke vlerësuar se mungesa e njohjes krijon barriera politike dhe institucionale që ngadalësojnë integrimin euroatlantik të Kosovës. “Njohja e plotë ndërkombëtare e Kosovës dhe anëtarësimi i saj i ardhshëm në NATO janë elemente kyçe për garantimin e paqes dhe stabilitetit afatgjatë në Ballkan”, deklaroi Self. Kongresmeni amerikan nënvizoi gjithashtu se angazhimi i Shtetet e Bashkuara në Ballkanin Perëndimor duhet të mbetet i fuqishëm dhe i pandërprerë, sidomos në një periudhë të tensioneve globale dhe sfidave të sigurisë në Evropë. Kosova vazhdon të mbetet e njohur nga shumica e vendeve të NATO-s dhe Bashkimit Evropian, ndërsa mosnjohja nga pesë shtete anëtare të Aleancës konsiderohet një ndër pengesat kryesore në rrugën e saj drejt integrimeve ndërkombëtare.
