Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës dhe kandidati për kryeministër, Bedri Hamza, ka akuzuar Qeverinë aktuale për dështime në sektorin e energjisë. Ai tha se Kosova po përballet me krizë energjetike dhe mungesë investimesh strategjike. Në prezantimin e prioriteteve të PDK-së për energjinë dhe infrastrukturën, kandidati Bedri Hamza tha se gjatë viteve të fundit nuk është ndërtuar asnjë kapacitet i ri energjetik dhe kritikoi dështimin e projekteve të gazit si dhe investimeve të tjera në këtë sektor. Ai premtoi se një qeveri e udhëhequr nga PDK-ja do të ndërtojë kapacitete të reja prodhuese, do të investojë në energjinë e ripërtëritshme, modernizimin e termocentraleve dhe zgjerimin e rrjetit energjetik. Kandidati për kryeministër nga radhët e Partisë Demokratike të Kosovës, Bedri Hamza paraqititi edhe një sërë projektesh infrastrukturore, përfshirë përfundimin e autostradës së Gjilanit, rrugëve drejt Pejës, Gjakovës dhe Mitrovicës, si dhe investime në hekurudha dhe infrastrukturën digjitale.
