Ermal Sadiku: As korrupsioni e as plumbat nuk e dëmtojnë shtetin sa rrënimi i institucioneve

Deputeti i Lidhjes Demokratike të Kosovës, Ermal Sadiku, ka kritikuar zhvillimet e fundit rreth konstituimit të Kuvendit të Kosovës, duke vlerësuar se dëmi më i madh që mund t’i shkaktohet një shteti është cenimi i rregullave dhe institucioneve të tij. Sadiku ka akuzuar Lëvizjen Vetëvendosje dhe deputetët e saj për shkelje të rregullave institucionale, duke pretenduar se pas përfundimit të afatit prej 48 orësh është shkelur edhe Rregullorja e Kuvendit. “Nuk ka kurgjo që e dëmton shtetin më shumë sesa rrënimi i rregullave dhe institucioneve të tij. As korrupsioni, as nepotizmi, as tanket e as plumbat”, ka shkruar Sadiku. Sipas deputetit të LDK-së, brenda një periudhe të shkurtër janë cenuar disa prej akteve më të rëndësishme institucionale. “Për vetëm një muaj kanë mbërri me e shkel Kushtetutën, Sadiku ka ngritur edhe pyetjen se deri në çfarë mase mund të dëmtohet një shtet përmes cenimit të institucioneve të tij. “Tash tregomani: cili armik i një shteti mundet me i bë këto më shpejt e më keq? Qysh mundet me u dëmtu një shtet më shumë se kaq?”, ka shkruar ai. “Kur e shkel Kushtetutën, e shpërfill Gjykatën dhe e shkel Rregulloren e institucionit më të lartë përfaqësues, nuk je veç tu e keqqeverisë shtetin. Je tu ia rrënu themelet. Këta më nuk janë amatera. Janë shkatërrues. Janë dëmtues të shtetit”, ka theksuar Sadiku.

Kontrolloni gjithashtu

Jakup Krasniqi vazhdon qëndrimin në familje, edhe sot nën masa të rrepta sigurie nga EULEX-i

Në ditën e dytë të qëndrimit në Kosovë, ish-zëdhënësi i Ushtrisë Çlirimtare të Kosovës, Jakup …