Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Enver Hoxhaj, ka bërë të ditur se subjekti i tij politik nuk do t’i përgjigjet pozitivisht ftesave për takime me liderin e Lëvizjes Vetëvendosje, Albin Kurti. Ai ka potencuar se PDK-ja nuk është e interesuar për arritjen e ndonjë marrëveshjeje politike me LVV-në. Përmes një deklarate për mediat, Hoxhaj ka kritikuar qasjen e Kurtit gjatë proceseve të fundit zgjedhore, duke e akuzuar atë për përpjekje të njëanshme për imponimin e vullnetit politik. Sipas tij, PDK-ja ka treguar konstruktivitet në të kaluarën përmes përpjekjeve për dialog që të gjendeshin rrugët për konstituimin e institucioneve, por këto iniciativa janë refuzuar nga kreu i LVV-së. Hoxhaj ka nëvizuar se PDK-ja nuk i nënshtrohet asnjë tekë politike dhe se Kurti duhet t’i drejtohet 98 deputetëve të tjerë të Kuvendit të Kosovës për të gjetur zgjidhje apo për të ndërtuar shumicën e nevojshme parlamentare.
