Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lëvizjes Vetëvendosje, Shqipe Mehmeti Selimi, ka reaguar ndaj kritikave për ngërçin politik aktual duke rikthyer në vëmendje bllokadën institucionale të vitit 2014. Përmes një deklarate publike, Mehmeti Selimi ka kujtuar se pas zgjedhjeve parlamentare të 8 qershorit 2014, Kuvendit të Kosovës iu deshën saktësisht 183 ditë apo gjashtë muaj për t’u konstituar më 8 dhjetor të po atij viti. Ajo ka akuzuar kundërshtarët politikë për standarde të dyfishta, duke nënvizuar se eksponentët që sot kritikojnë vonesat dhe e cilësojnë gjendjen si bllokadë, në vitin 2014 e arsyetonin periudhën gjashtëmujore pa institucione si pjesë normale të “dialogut politik”.
