Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Daut Haradinaj, ka hedhur akuza të rënda ndaj menaxhmentit të Korporatës Energjetike të Kosovës dhe qeverisë në detyrë, pas nënshkrimit të kontratës për furnizimin e Maqedonisë së Veriut me qymyr nga Kosova Përmes një reagimi publik, Haradinaj e ka cilësuar këtë marrëveshje si një krim të ri me pasurinë kombëtare, duke nënvizuar paradoksin e madh të sektorit energjetik në vend. Sipas tij, është e paartikulueshme që Kosova të shpenzojë mbi 1 miliard euro për importimin e energjisë elektrike, ndërkohë që u shet lëndën e parë të qymyrsh pikërisht shteteve nga të cilat blen rrymën. Haradinaj ka pretenduar se kryeministri në detyrë ka qenë drejtpërdrejt i përfshirë në këtë proces dhe i ka bërë thirrje urgjente KEK-ut që të bëjë publike vlerën e saktë të kontratës së shitjes. Po ashtu, ai ka kërkuar transparencë të plotë lidhur me shumën se sa i kushton xhepit të qytetarëve blerja e energjisë nga Maqedonia e Veriut, duke paralajmëruar se kjo çështje nuk duhet të kalojë në heshtje pa llogaridhënie nga institucionet përgjegjëse.
