Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partitë kryesore opozitare në vend: PDK, LDK dhe AAK kanë refuzuar zyrtarisht ftesën e ushtrueses së detyrës së presidentes, Albulena Haxhiu, për një takim të përbashkët me krerët e subjekteve politike. Si rrjedhojë, në takimin e paralajmëruar për të martën pritet të marrë pjesë vetëm kryeministri në detyrë, Albin Kurti. Refuzimi i opozitës vjen në një kohë kur vendi ndodhet në bllokadë të thellë institucionale, me seancën konstituive të Kuvendit të papërfunduar dhe pa zgjedhjen e kryetarit të ri të legjislativit. Qëndrimet e partive opozitare:
- PDK: E ka cilësuar ftesën si “manipulim” të Lëvizjes Vetëvendosje, duke deklaruar se Haxhiu do të duhej t’i bënte thirrje kryesuesit të seancës, Avni Dehari, për vazhdimin e punimeve në Kuvend.
- LDK: Ka bërë të ditur se e sheh Haxhiun vetëm si deputete në këtë situatë dhe shpreh gatishmëri të takohet drejtpërdrejt vetëm me Albin Kurtin. LDK po ashtu rikonfirmoi se nuk do të hyjë në bashkëqeverisje me LVV-në, por është e hapur të votojë një figurë jopolitike për president.
- AAK: Ka deklaruar se as Kurti e as Haxhiu nuk po tregojnë vullnet për të gjetur një zgjidhje reale për krizën, duke e parë pjesëmarrjen në takim si të paarsyeshme.
