Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish kryetari i AAK-së, Ramush Haradinaj, ka uruar Joe dhe Shirley DioGuardi pasi ata janë bërë zyrtarisht shtetas të Kosovës. Haradinaj ka vlerësuar kontributin e tyre në mbështetje të Kosovës, veçanërisht përmes angazhimit të Joe DioGuardit dhe Ligës Qytetare Shqiptaro-Amerikane në Uashington dhe Kongresin Amerikan që nga viti 1989. “Gëzuar shtetësinë e Kosovës për dy miqtë tanë të mëdhenj, Joe dhe Shirley DioGuardi!”, ka shkruar Haradinaj. Ai ka thënë se DioGuardi dhe Liga Qytetare Shqiptaro-Amerikane ishin ndër të parët që i hapën dyert Kosovës në SHBA dhe se në ditët më të vështira u bënë zëri i saj. “Kosova nuk i harron kurrë miqtë e kohëve të vështira”, ka shkruar Haradinaj, duke i falënderuar për mbështetjen e tyre.
