Elhame Hetemi: Nga Buroja e mobilizimit të parë të UÇK-së te besimi në drejtësinë e çështjes së Hagës

14/09/2026 Lajmet

Bashkëfshatarja e Hashim Thaçit, Elhame Hetemi, ka rrëfyer emocionet që e rikthejnë te ditët e para të organizimit dhe mobilizimit popullor për luftën e Ushtrisë Çlirimtare të Kosovës, duke kujtuar edhe përfshirjen e saj në përkrahjen e ushtarëve të parë të UÇK-së në fshatin Burojë. Hetemi ka folur për momentet kur të rinjtë shqiptarë morën përsipër barrën e luftës për çlirimin e vendit, ndërsa ka veçuar edhe kujtimet e saj për Hashim Thaçin, të cilin e kishte njohur si bashkëfshatar dhe më pas e kishte dëgjuar se ishte në krye ose bashkëorganizator i UÇK-së. “Emocionet janë të veçanta. Duke u rikthyer në retroaktivë dhe duke menduar për gjithë procesin e fillimit të luftës së Ushtrisë Çlirimtare të Kosovës, kujtoj momentet më të rëndësishme të organizimit dhe mobilizimit popullor, bashkë me ata njerëz, ata djem të rinj që morën barrën e kombit shqiptar për t’u çliruar nga pushtuesit serbë”, ka thënë ajo. Hetemi ka kujtuar edhe nismën e saj për t’i ndihmuar ushtarët e parë të mobilizuar në Burojë dhe për t’iu bashkuar përpjekjeve të tyre për çlirimin e Kosovës. Sipas saj, njohja e afërt me këta njerëz, edukata, kultura dhe vlerat e tyre e bëjnë edhe më të thellë lidhjen emocionale me ato ditë.  “Lirisht dhe bindshëm mund të them se është një proces i montuar dhe i organizuar nga ata që nuk e kanë dashur lirinë e Kosovës dhe nuk e kanë dashur lirinë e popullit shqiptar në përgjithësi”, ka deklaruar Elhame Hetemi.

Kontrolloni gjithashtu

Nis gjykimi për krime lufte: Nadica Cepkenoviq përballet me akuzat për torturimin e të burgosurave shqiptare në Lipjan

Në Gjykatën Themelore në Prishtinë ka nisur seanca gjyqësore ndaj Nadica Cepkenoviqit, e cila akuzohet …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara