Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Prishtinës, Shpend Ahmeti, ka thënë se krijimi i Unionit të Bashkive Shqiptare është një platformë e cila do të mundësojë një jetë më të mirë për qytetarët e qyteteve shqiptare. Në një intervistë për “Epoka e re”, Ahmeti ka thënë se krijimi i këtij unioni ka për qëllim shkëmbimin e përvojave dhe ofrimin e ndihmës për njëra-tjetrën për përmirësimin e shërbimeve për qytetarët e këtyre komunave shqiptare. Ahmeti ka thënë se krijimi i këtij unioni ndërmjet pesë komunave ka nisur me bashkëpunim në urbanizëm, inovacion, investime, kulturë dhe transport publik. Ai ka theksuar se hapi i radhës është formimi i sekretariatit të përhershëm të këtyre komunave. Ahmeti ka paralajmëruar se ky union do të zgjerohet në të ardhmen. “Ideja është ta zgjerojmë gradualisht, pra mos të ndodhë një zgjerim i menjëhershëm, por ai zgjerim të jetë cilësor. Pra, ne do të jemi të hapur, të bashkuar dhe sa më shpejt sa më funksional”, është shprehur ai.
