Inspektohen punimet në rrugën “Sali Çekaj”

21/04/2018 Institucionet

Në mesditë, Kryetari i Komunës së Ferizajt, Agim Aliu i shoqëruar edhe nga nënkryetari i Komunës, Naim Ferati, drejtori i Drejtorisë së Infrastrukturës, Arbër Bytyqi dhe drejtori i Drejtorisë së Shërbimeve Publike dhe Emergjencë, Arben Halili kanë inspektuar punimet që po bëhen në asfaltimin e rrugës “Sali Çekaj”, rrugë kjo e rëndësisë së veçantë për komunitetin dhe këtë zonë në përgjithësi. Gjatë këtij inspektimi, punëkryesit njoftuan hollësisht Kryetarin e Komunës Agim Aliu, për evoluimin e këtij projekti, ritmin e punës dhe punët e përfunduara. Me këtë rast, edhe Kryetari i Komunës, Agim Aliu u shpreh i kënaqur me dinamikën e punës dhe cilësinë e punimeve duke theksuar se Komuna e Ferizajt është e vendosur që çdo projekt infrastrukturor ta mbikëqyrë vazhdimisht, veçanërisht në cilësinë e punimeve për të siguruar përfundimin me kohë, të plotë e sipas standardeve të projekteve infrastrukturore të filluara.

Kontrolloni gjithashtu

Kuvendi Komunal i Vitisë ka mbajtur sesion informues mbi zhvillimin e Komunitetit

Sot në sallën e Kuvendit Komunal të Vitisë, është mbajtur Sesioni Informues me Fondacionin Kosovo-Luxemburg, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara