Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Abelard Tahiri, ka ndarë një mesazh pas vizitës së tij të radhës në Hagë, ku është takuar me ish-presidentin Hashim Thaçi, duke thënë se ky udhëtim ishte ndryshe nga vizitat e mëparshme gjatë gjashtë viteve të fundit. Tahiri ka treguar se ishte i prekur kur e takoi Thaçin pas shpalljes së aktgjykimit, të cilin ai e konsideron të padrejtë. Megjithatë, sipas tij, Thaçi ishte i qetë, i fortë dhe i bindur se drejtësia do të triumfojë në procesin e apelit. “U mërzita shumë kur e takova Presidentin pas vendimit të padrejtë. E megjithatë, ai ishte i qetë, i fortë dhe i sigurt. Me besimin se drejtësia do të triumfojë dhe se Apeli do ta korrigjojë këtë padrejtësi”, ka shkruar Tahiri. Ai bëri të ditur gjithashtu se Thaçi u ka dërguar përshëndetje qytetarëve që po protestojnë në Prishtinë kundër aktgjykimit të Dhomave të Specializuara. “Ju dërgon të fala nga zemra, secilit prej jush që jeni në sheshin e Prishtinës dhe që u bëtë zëri i fuqishëm kundër padrejtësisë”, shkroi Tahiri.
