Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Administrata Tatimore e Kosovës mbajti konferencë për media gjatë së cilës paraqiti të hyrat për gjashtë mujorin e parë të këtij viti si dhe vështirësitë me të cilat përballet ATK-ja. Drejtori i Administratës Tatimore të Kosovës, Ilir Murtezaj tha se në periudhën janar-qershor të këtij viti, është arkëtuar shuma prej 239 milion e 500 mijë euro e cila është 8.9 për qind, më e lartë se shuma e arkëtuar gjatë së njëjtës periudhë kohore të vitit 2018. Ky rezultat është mjaft inkurajues edhe për pjesën e mbetur të vitit dhe element qenësor për sukses në mbledhjen e borxheve mbetet konfiskimi i pasurisë, theksoi drejtori i Administratës Tatimore të Kosovës, Ilir Murtezaj. Puna dhe rezultatet e ATK-së është vlerësuar lart nga ministri i Financave, Bedri Hamza i cili tha se pa punën e Administratës Tatimore të Kosovës nuk mund të arkëtohen mjete të cilat mundësojnë realizimin e projekteve.
