Admirali amerikan, James Foggo, u takua sot me ministrin Berisha dhe komandantin e FSK-së gjeneral, Rrahman Rama

Admirali amerikan, James Foggo, u takua sot me ministrin Berisha dhe komandantin e FSK-së gjeneral, Rrahman Rama

Admirali i Marinës së SHBA-së, James Foggo, u takua sot me ministrin e Mbrojtjes Rrustem Berisha dhe kreun e FSK-së gjenerallejtënant Rrahman Rama, me të cilët ka diskutuar për gjendjen e sigurisë në Kosovë, në kontekstin e misionit të KFOR-it për të siguruar një mjedis të qetë dhe lirinë e lëvizjes për të gjithë qytetarët. Gjatë vizitës, Foggo diskutoi çështjen e planit të Kosovës për tranzicionin e Forcës së Sigurisë së Kosovës. Ai me këtë rast përsëriti pritshmërinë e tij që tranzicioni i FSK-së të jetë një përpjekje progresive, transparente dhe gjithëpërfshirëse si dhe e koordinuar ngushtë me NATO-n dhe bashkësinë ndërkombëtare. Ndryshe, Foggo udhëheq Komandën e Forcave të Përbashkëta Aleate të NATO-s, Napoli, e cila mbikëqyr KFOR-in. NATO mbetet e angazhuar përmes KFOR-it për një mjedis të qetë dhe të sigurt në Kosovë dhe stabilitet në rajonin e gjerë të Ballkanit Perëndimor, thuhet në komunikatën për media të KFOR-it.

Kontrolloni gjithashtu

Maja Vukiçeviq, deputetja malazeze shkakton polemika duke votuar kundër anëtarësimit të Kosovës në KE

Maja Vukiçeviq, deputetja proserbe e proruse e Malit të Zi shkaktoi polemika duke votuar kundër …