Airport Adem Jashari
kek
MIT
mbpzhr 2018
Fillimi / Lajmet / Albin Kurti thotë se shteti i Kosovës nuk vuan nga ligjet e këqija por nga pushteti i keq dhe institucionet e dobëta
Albin Kurti, komentoi letrën e kryetarit, Hashim Thaçi dërguar presidentit amerikan, Donald Trump

Albin Kurti thotë se shteti i Kosovës nuk vuan nga ligjet e këqija por nga pushteti i keq dhe institucionet e dobëta

Lideri i Lëvizjes Vetëvendosje, Albin Kurti, ka deklaruar se çdo i treti banor i Kosovës ka qasje të vështirë në kujdesin shëndetësor, kurse çdo i pesti nuk kërkon shërbime edhe në rast të sëmundjes, për shkaqe ekonomike. “Vdekshmëria e foshnjave në Kosovë është katërfish më e lartë sesa mesatarja në Bashkimin Evropian. Çdo i nënti fëmijë në Kosovë punon, ndërkaq vetëm çdo e teta grua ka një vend pune. Kosova i ka 34 ligje për mbrojtje sociale por pak zbatohen. Shteti ynë nuk vuan nga ligjet e këqija sa nga pushteti i keq dhe institucionet e dobëta. Investimet në ekonomi zhvillimore kanë rënë, gjersa korrupsioni nëpër ndërmarrje publike është rritur”, ka thënë Kurti. Tutje ai ka shtuar se institucionet e shtetit janë përgjigja për nevojat e shoqërisë dhe të drejtat e qytetarëve, e jo shans për interesat private dhe partiake. “Ndryshimi tashmë nuk është zgjedhje, por nevojë jetike. Andaj, zgjedhjet e reja janë aq shumë të nevojshme”, përfundoi Kurti.

Kontrolloni gjithashtu

Elezi: Komisioni Qendror i Zgjedhjeve është i gatshëm për përgatitjen e zgjedhjeve

Zyrtar të Komisionit Qendror të Zgjedhjeve kanë thënë se KQZ-ja është e gatshme për organizimin ...