Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtari i opozitës, Altin Krasniqi, ka reaguar ndaj zhvillimeve të fundit politike në vend, duke theksuar se mbrojtja e demokracisë dhe e rendit kushtetues nuk i takon vetëm opozitës, por është një obligim qytetar. Përmes një deklarate, Krasniqi ka ngritur shqetësimin se shkelja e ligjeve dhe e normave kushtetuese po tentohet të kthehet në një dukuri të normalizuar nga pushteti në detyrë. Ai ka akuzuar Lëvizjen Vetëvendosje për përpjekje të kthimit të institucioneve të Republikës së Kosovës në instrumente partiake, duke nëvizuar se shteti dhe institucionet u takojnë qytetarëve dhe jo një subjekti të vetëm politik. Krasniqi ka shtuar se zbatimi i ligjit dhe respektimi i Kushtetutës nuk mund të trajtohen si opsione selektive që përdoren vetëm kur i konvenojnë pushtetit. Në përmbyllje, ai ka paralajmëruar se mosrespektimi i institucioneve dhe dështimi për të rikthyer rendin kushtetues rrezikojnë ta çojnë vendin drejt anarkisë, ku fati dhe vullneti i qytetarëve mbeten peng të interesave personale.
