Analisti Artan Behrami, ka kritikuar kryeministrin e Kosovës, Albin Kurti, për mënyrën sesi ai drejton mbledhjen e Këshillit të Sigurisë të Kosovës. Behrami vlerëson se Kurti po përpiqet të marrë një rol që nuk i takon, duke e krahasuar atë me një komandant të forcave ushtarake, veçanërisht në lidhje me një situatë të fundit ku u diskutua sulmi i Iranit ndaj Izraelit. Sipas Behramit, kryeministri Kurti duhet të kujtohet se roli i tij është përfaqësues politik i Kosovës, ndërsa përgjegjës për çështjet ushtarake dhe sigurisë janë strukturat e përgjegjshme si KFOR-i dhe NATO. Ai thekson se Kosova është një shtet që nuk ka kapacitetin ushtarak siç ka Izraeli dhe se nuk duhet të shfaqë pretendime të tilla në fushën e gjeopolitikës. Kritika e Behramit vjen pasi kryeministri Kurti thirri Këshillin e Sigurisë për të diskutuar implikimet e sulmit të fundit të Iranit ndaj Izraelit dhe për të rritur ndërgjegjësimin për rrezikun e dronëve iranianë Shaheed, të cilat, sipas tij, janë në posedim edhe të Serbisë dhe konsiderohen si një rrezik potencial për Kosovën.
Kontrolloni gjithashtu
Gjykata Speciale cakton panelin e gjyqtarëve, lidhur me shqyrtimin e kërkesës së Haxhi Shalës për mbrojtje ligjore
Dje më 19 shtator, kryetarja e Gjykatës Speciale, Ekaterina Trendafilova, ka caktuar Panelin e Gjykatës …